Ассаламу'алейкум уа рахматуллаһи уа баракатуһу ұстаз! Мен намаз оқып жатқанда кейде кішкентай ұлым мен қызым сәждеде жатқан кезімде мойыныма отырып алады (акеммен бірге намаз оқимын) деп. Кешеде сол жағдай қайталанды. Бір өкініштісі иығымда отырып қызым жел шығарып қойды. Менің намазым одан бұзылады ма бұзылмайды ма? Уақыттарыңызды алсам айып етпеңіздер. Алла разы болсын!

Бақытжан

Уа'алейкумуссалам уа рахматуллаһи уа баракатуһ! Бақытжан, Әбу Қатада әл-Әнсари (р.ғ.): «Мен Пайғамбардың (с.ғ.с.) адамдарға имам болып тұрғанында, Умама бинт Әбу Уаққасты мойнына көтеріп, рукуғке барса, оны түсіріп және сәждеден тұрса, қайтаратынын (мойнына көтеретінін) көрдім»-деген. Демек, кішкентай ұлыңыз бен қызыңыздың мойныңызға отырып алғанынан намаз бұзылмайды. Ал, баланың жел жіберіп қойғанынан, киіміңізге немесе жайнамазыңызға нәжіс жұқпағандықтан Сіздің намазыңыз бұзылмайды.

Сәлеметсіздерме?! Өлгендерге Құранда қалай бағыштайды, қабірді зиярат етудің тәртіптері бар ма?

Айжан

Уағалейкумуссалам! Айжан, қасиетті Құраннан жаттаған, яғни, өзіңіз білген сүрелерден немесе аяттардан оқып, сауабын әруақтарға бағыштауыңызға болады. Қабірді зиярат ету мұстахап, әрі ол ақыретті, өлімді еске салады. Тәртібі: 1. Қабырыстанға кіргенде Пайғамбарымыздың (Алланың оған игілігі мен сәлемі болсын) үйреткеніндей сәлем беру сүннет. 2. Қабырлерге қарап намаз оқуға тыйым салынған, өйткені бұл оларға  сыйынуға алып баруы мүмкін. 3. Қабірлердің үстіне  отыруға болмайды.

Сәлеметсіздерме! Менің АЛЛА берген 4 қызым бар шүкір! АЛЛА-дан ұл перзент сұрау дұғасы бар болса толығырақ жазып жіберіңіздерші. Алдын ала рахметімді айтамын.

Гүлайым

Уағалейкумуссалам! Гүлайым, Жаратушыдан қандай болсын әйтеуір бала тілеу дұрыс емес. Аллаһ тағаладан салихалы перзент сұрау керек. Біреу Құдай тағаладан ер бала тілеуі мүмкін, ал Аллаһ тағала оған қатардағы ер баладан да қайырлы қыз бала нәсіп етуі мүмкін. Имранның әйелі Жаратушыдан ұл бала тіледі. Алайда, Ұлы Жаратқан оған ұл баладан да  қайырлы қыз сыйлаған. Яғни, Имранның әйелі Иса пайғамбарды дүниеге әкелетін Мәриям анамызды босанған еді.

Сәлеметсіздерме! Менің АЛЛА берген 4 қызым бар шүкір! АЛЛА-дан ұл перзент сұрау дұғасы бар болса толығырақ жазып жіберіңіздерші. Алдын ала рахметімді айтамын.

Гүлайым

Уағалейкумуссалам! Гүлайым, Жаратушыдан қандай болсын әйтеуір бала тілеу дұрыс емес. Аллаһ тағаладан салихалы перзент сұрау керек. Біреу Құдай тағаладан ер бала тілеуі мүмкін, ал Аллаһ тағала оған қатардағы ер баладан да қайырлы қыз бала нәсіп етуі мүмкін. Имранның әйелі Жаратушыдан ұл бала тіледі. Алайда, Ұлы Жаратқан оған ұл баладан да  қайырлы қыз сыйлаған. Яғни, Имранның әйелі Иса пайғамбарды дүниеге әкелетін Мәриям анамызды босанған еді.

Ассаламуғалейкум уа рахматуллаһи уа баракатуһ! Менің Сізге бір сұрағым бар еді, дұрыс мазхабты қалай таңдаса болады? Әр кім өз мазхабына дәлел келтіреді, маған қандай ақыл кеңес айтасыз ИншаАллаһ, жауапты асыға күтемін!

Уағалейкумуссалам уа рахматуллаһи уа баракатуһ! Пайғамбарымыз (с.ғ.с.) бір хадисінде: «Ең жақсы ғасырлар: Менің ғасырым, сосын одан кейін келетіндер (ғасыры), сосын олардың соңынан келетіндер (ғасыры) жақсы», - деп айтқан екен.

Имам Әбу Ханифа (р.а.) жоғарыда айтылған хадистегі жақсы ғасыр өкілі, һәм Пайғамбарымыздың (с.ғ.с.) сахабаларына шәкірт болып, ғылым үйренген. Демек, табиғин дәрежесіндегі ғалым. Ал, табиғиннің мәртебесі өзге ғалымдардан әлдеқайда жоғары екендігін осы хадис айшықтап тұр.

Ассаламуғалейкум уа рахматуллаһи уа баракатуһ! Қояр сауалым толық намазға келмей тұрғанда оқылмай қалған қаза намаздарын қалай өтеуге болады? Толық түсінік берсеңіздер екен. Аллаһ разы болсын!

Берікхан

Уағалейкумуссалам уа рахматуллаһи уа баракатуһ! Берікхан, бір топ ғалымдар, діннен хабарсыз немесе намаздың парыз екендігін білмейтін кезінде оқылмаған қаза намаздарды өтемейді, шынайы тәубе жасау керек деп санаған.

Ассаламуғалейкум! Менің сіздерге қояр сауалым төмендегідей. Құранның аудио нұсқасын жатып және басқа нәрсемен айналысып жүріп тыңдауға болады ма? Құранды жатып оқыса (арабшасын немесе аудармасын) болады ма?

Бауыржан

Уағалейкумуссалам!Бауыржан,Құранның аудио нұсқасын тек жаттау ниетімен ғана жатып немесе мубах (үйге кіріп-шыққанда, жолда кетіп бара жатқанда, түрегеп тұрғанда немесе отырған кезде т.б.) істермен айналысып жүріп тыңдауға болады. Сол секілді, түнде жатарда төсекке жанымен жатып, аяқтарды қосып немесе жинап оқуға да болады.

Ассаламуғалейкум! Мен өз бойымдағы мінез құлықты түсінбей жүрмін. Атап айтар болсам, қатты қиналып кеттім сол кемшілікпен күресемін деп. Мен біраз уақыттан бері зинақорлыққа жақын болдым. Оның күнә екенін білгеннен кейін, күресуге бел будым. Ол үшін дінге жүгіндім, оқыдым, түйдім. 1 жылдан кейін намаз бастадым. Намаз бастағанда ораза уақыты еді. Зинаға жақындамадым. Біраз уақыт өткеннен кейін қайта бастап кеттім. Келесі кезекте үйлену керек деп шешім қабылдадым. Үйлендім. Ондада ойым бұзыла береді. Зина жасап қойдым. Сонымен қатар, еріншектік, жалқаулық, немқұрайлық, тәкәппарлық, бір нәрсе істеуге зауқым соқпайды. Әйеліммен ұрысып қалуды әдетке айналдырдым. Оған көңілім соқпайды. Ұйықтай бергім келеді. Таң намазына әрең тұрамын. Қалған намаздарды кешке жинап оқимын. Соған қарағанда маған жын кіріп кеткенбе деген ой келіп, мазалап жүргелі 1-2 ай болып қалды. Өзімнің үнемі көңіл-күйім болмайды, жолым болмай, қиындықтарға көп кездесіп кеттім. Аллаһтың разылығы үшін ақыл кеңес беруіңізді сұранамын.

Асхат

Уағалейкумуссалам! Асхат, Мұхаммед пайғамбар (саллаллаһу аләйһи уә сәлләм) бір хадисінде: «Әрбір адам баласы қателік жасайды. Қателік жасағандардың ең жақсысы – тәубе етушілер, яғни жіберген қатесі үшін өкініш білдіріп, қателікке ұрындырған жайтты ендігәрі болдырмауға тырысқандар», – дейді. Және тағы бір хадисінде Мұхаммед пайғамбар (саллаллаһу аләйһи уә сәлләм):«Уа, мұсылмандар, зинадан сақтаныңдар! Өйткені, оның мына алты үлкен зияны бар. Оның үшеуі осы дүниеде, үшеуі ақыретте. Осы дүниедегілері: 1. Жүздегі нұр таяды, 2. Өмірі қысқарады, 3. Кедейліктен көз ашпайды, ал ақыреттегілері: 1. Алла тағаланың қаһарын туғызады 2. Есебі ауыр болады 3. Жаһаннамда азапталады» , – деп зинаның залалдарын баяндап берген. Сонымен қатар, зина жасаудың ақыреттегі азабына қатысты Бұхаридің сахихында Сәмурә ибн Жүндүбтің Пайғамбарымыздың  (саллаллаһу аләйһи уә сәлләм) бір  түсін  риуаят  еткен хадисін  былайша  жеткізеді:  «Түсінде Пайғамбарымызға Жәбірейіл мен Микаил періште келді. Бұдан кейінгісін Пайғамбарымыз (с.ғ.с.) былай әңгімеледі: «Бірге келе жатып,  жоғарғы  жағы  тар,  асты  кең  тандыр  секілді  бір нәрсенің қасына келдік. Оның іш жағынан айқайлаған дауыстар естіліп жатты. Ішіне үңіліп қарағанда тыр жалаңаш еркектер мен  әйелдірді көрдік. Олардың төмен жағына жалындап жанған от әкелінді. От оларға жақындаған кезде жан дауыста- ры шығып, айқайлап жатты.  Мен «Уа, Жәбірейіл, бұлар кімдер?» деп сұрадым. Ол: «Бұлар зина жасағандар. Олардың азабы қиямет-қайымға дейін осылай жалғасады» деп жауап берді».