User Rating: 5 / 5
Бүгін Бас мүфти Ержан қажы Малғажыұлы «Алматы ақшамы» газетінің бас редакторы, белгілі жазушы Қали Сәрсенбаймен және басылым ұжымымен кездесті.
Бас мүфти халықты бірлік пен ынтымаққа үндеп, ізгілік пен имандылыққа шақыруда бұқаралық ақпарат құралдарының рөлін айрықша атап өтті. Ержан қажы Малғажыұлы мемлекеттік мүдде мен елдің игілігін насихаттап келе жатқан «Алматы ақшамының» 25 жылдық мерейтойына орай газет қызметкерлерін торқалы тоймен құттықтады.
User Rating: 5 / 5
Араб шейхы Сұлтан ІІІ Мұхаммед әл-Қасым Армениядағы христиандардың көне Агарцин монастырін жөндеуден өткізу үшін өз қалтасынан қаржы шығарды. Осынау құлшылық үйінің жетекшісі архимандрит Аристакес Айвазян қайырымдылық жолымен келген бұл қомақты қаражаттың қанша соманы құрайтынын айтудан бас тартты. Алайда, жергілікті бұқаралық ақпарат құралдарының дерегіне қарағанда, бұл арада 1,7 млн доллар турасында сөз болып отыр.
User Rating: 5 / 5
Қажылық істері жөніндегі министрлік Жидда қаласында қажылық пен ұмраны (кіші қажылық) ұйымдастыру саласында жұмыс істейтін адамдар үшін арнайы дайындық орталығын ашуды жоспарлап отыр. Қажылық істері жөніндегі министрдің көмекшісі әрі тренинг супервайзері Мұхаммед Симсимнің сөзіне қарағанда, аталмыш орталық қажылық парызын өтеуге немесе ұмраға келген қажыларға сапалы қызмет көрсетумен айналысатын мемлекеттік шенеуніктер мен қызметкерлерді дайындайтын болады.
User Rating: 5 / 5
«Отыз тістен шыққан сөзді отыз рулы елге жеткізетін журналистер ізгілік пен бірліктің жаршысына айналуы тиіс. Ол үшін тізе қосып, бірлікпен тірлік ете білуіміз қажет».
«Әзірет Сұлтан» мешітінде өткен бас редакторлар басқосуында осындай пікір айтылды. Екі сағатқа созылған келелі кездесуге «Егемен Қазақстан» газетінің президенті Сауытбек Әбдірахманов, «Қазақстан» телеарнасы басқарма төрайымының орынбасары Қайнар Олжай, «Астана» телеарнасының бас директоры Ләззат Танысбай, «7 арна» төрайымы Бибігүл Жексенбай, «Қазақ радиосының» бас директоры Мақсат Садық, «Мәдениет» телеарнасының бас директоры Аязби Бейсенқұлов, «Халық сөзі» газетінің бас редакторы Қуат Әуесбай, Қазақстан журналистер Одағы төрағасының орынбасары Төлеміс Құлмұхамедов, т.б. БАҚ өкілдері қатысты.
User Rating: 5 / 5
Австралияда тұратын арғы тегі кашмирлік мұсылман осы елдің «ең жас көсемі» деп танылып, 2014 жылы Сиднейдегі университет жанынан ашылған бизнес-мектептің шәкіртақысын алатын болды.«Бұл – мен үшін үлкен мақтаныш. Мен бұл сыйлығымды жансарайымның төрінен орын алған туған жерім Кашмирге тарту етемін»,- дейді 34 жастағы данышпан Омар Хан Kashmir Reader ақпарат көзіне берген сұхбатында.
User Rating: 5 / 5
Үстіміздегі жылдың қазан айының 30-ы күні Біріккен Араб Әмірліктерінде Қазақстан азаматтары тұтқындалған болатын. Д Дубай прокуратурасы Орал қаласының тұрғынына кісі өліміне қатысы бар әрі қаржылық алаяқтық жасады, сондай-ақ, қылмыстық топ құрды деген айып тағып отыр. Қазіргі уақытта Қазақстан Республикасының Бас прокуратурасы оларды елге қайтарудың жолдарын қарастыруда. Бұл мәселе БАӘ-де желтоқсан айында қайта қаралмақ.
«asyldin.kz» - әлемде және елімізде болып жатқан діни жаңалықтардан хабар беретін, оқырмандардың рухани және діни танымын арттырып, діни сұранысын қамтамасыз етуге бағытталған Жамбыл облыстық орталық «Һибатулла Тарази» мешітінің ресми діни-танымдық, ақпараттық порталы.
18 Мамыр 2025
20 Зуль-каада 1446