Менің досым 5 уақыт намаз оқымайды. Бірақ, мен айтып едім жатарда 2 рәкағат Алла разылығы үшін намаз оқуға болады деп. Досым болса үзбей оқып жүр екен 2-3 ай бойы. Менің айтқаным дұрыс па? Бірақ 5 уақыт намаз оқуға әлі ниеті жоқ.
Самат
Жоқтан жоғары ғой. Намазға бәріміз бірден келген жоқпыз. Досыңызда осылай ақырындап келер намазға. Намазға келуіне себеп болған Сізге де сауабы тиеді.
Ассаламуғалейкум! Мені осы сұрақ мазалайды: әскерге бармауға болады ма, яғни сатып алуға? Сатып алғанда пара болады деп ойлаймын, бірақ барғанымен намаз қаза болады деп ойлаймын. Барып келген адамдардан сол жердегі әскерге жіберетін адамдарда солай айтады мына жақтан жібереміз ар жақтан тиым салады деп, өзімнің де жалпы айтқанда денсаулық жағымнан құлақ шуылдайтыны бар (нагрузка) беруге болмайды, олар карамайды алып кете береді депте айтқандарын естідім. Әкем сатып алып берем десе қалай болады немесе сатып алып берсе?
Сұлтан
Уағалайкум сәләм уа рахматтулахи уа баракатух! Намаздың қалуынан қорықсаңыз, сақтану үшін алуға қандай жолмен болса да болады.
Тараз қаласында Мәуліт мерекесі нешесінде атап өтілмек? Алла сіздерге разы болсын!
Руслан
Қаңтар айының 23, жұма күні «Баласағұн» орталық концерт залында, сағат 14:30 да басталады. Келіңіздер!
Есікке таға ілуге және көз, яғни көз тұмар ілуге болады ма? Бұлар ырым ба? Егер бұларды ілсе Аллаға серік қосқанға жатады ма? Осыны түсіндіресіз бе? Рахмет.
Жеңіс
Барлық нәрсе ниетке байланысты. Сол жасалғаннан сұраса, әрине серік қосқан болады. Шариғатта тіл, көз деген нәрсе бар. Ардақты Пайғамбарымыз (с.ғ.с.): «Адамды қабірге, түйені қазанға түсіретін - тіл», - деген. Мұсылмандар сол себепті таға немесе жылтыр нәрсеге келген адамның көзі болса соған аусын деп ілген.
Намаз оқығым келеді, үй жағдайына байланысты оқып арасын үзіп ала беремін. Күйеуім арақ ішеді. Не істесем болады?
Гүлфарида
Қалып кеткен намаздарыңыз болса қазасын орындайсыз. Күйеуіңіздің арақ қойуына дұға жасаңыз.Уақыт сағат келеді қояды. Әр қиындықтың артында жақсылық бар.
Ассалямуалейкум! Ұйықтап жатып жүніп болып қалса, үйде жуынатын жердің жоқ болуы және қыстың суығына байланысты бөлме іші салқын болғанда, ғұсылды қалай құйынған жөн? Таяммум алсам болады ма?
Нұржан
Уағалайкум сәләм уа рахматтулахи уа баракатух. Егер ешқандай мүмкіндік болмаса намаз уақтының шығуынада уақыт аз қалса тәяммум соғасыз. Келесі намаз уақтына дейін ғұсыл аласыз.
Мен тұрмыс құрғаныма 5 жылдай уақыт болды. Кішкентайлы болдық. Соңғы екі жылда күйеуім екеуіміз бөлек бөлмеде жатамыз. Ырымдар бойынша ерлі-зайыптылар бөлек жатпауы керек дейді. Бұған шариғат не дейді?
Марина
Бір төсекте жату ырым емес Алланың ерлі-зайыпты қылып жаратқаны, төсек қатынасы үшін қосқаны. Шариғат: ерлі-зайыптылар бөлек жатса да 4 айда ішінде жақындық жасаулары керек. Ал 4 ай ішінде жақындаспаса әйелі ерінен басын босатуға рұқсат сұраса болады. Екеуі жақындаспай тұра берулеріне де болады. Жақындасу сүннет. Ұрпақ тарату сүннет. Сүннетке амал жасау керек.
Күйеуіммен жаңа үйлене салып, бірінші баланы босанғаннан кейін, ол басқа әйелмен жүріп, үйге қонбай қойды. Соған ренжігенім соншалықты өзімнің бқрын жүрген жігітіммен төсек қатынасына бір рет түстім. Соны қалай түзетсем болады?
Алтынай
Күйеуіңізге ерегісіп ауыр күнәға барғаныңыз өте қателік. Енді тәуба жасап қайта оған бас ұрмаймын деп тоқтаңыз. Хазіреті Пайғамбарымыз (с.а.у.) былай дейді: «Зина еткен кісі зина еткен кезінде мүмин ретінде зина етпейді (саналмайды)». Аллаһ Тағала кешірімділердің ең кешірімдісі болғандықтан жасаған күнәға кешірім сұрап қайта жасамауға сөз беру керек.
«asyldin.kz» - әлемде және елімізде болып жатқан діни жаңалықтардан хабар беретін, оқырмандардың рухани және діни танымын арттырып, діни сұранысын қамтамасыз етуге бағытталған Жамбыл облыстық орталық «Һибатулла Тарази» мешітінің ресми діни-танымдық, ақпараттық порталы.
02 Сәуір 2026
14 Шавваль 1447