Жылдағы дәстүр бойынша оразаның бірінші күні Талас ауданы әкімі Қанатбек Мәдібек ақсақалдарға, зиялы қауымға, ауыл имамдарына, мешіт жамағатына жалпы 200 адамға ауыз ашар берді.
Жылдағы дәстүр бойынша оразаның бірінші күні Талас ауданы әкімі Қанатбек Мәдібек ақсақалдарға, зиялы қауымға, ауыл имамдарына, мешіт жамағатына жалпы 200 адамға ауыз ашар берді.
Жуырда Шу ауданы "Әбу Бәкір ас-Сыдық" мешітінің имамы Бақыт Нұрлыханов Балуан Шолақ ауылында болып, М.Ғабдуллин атындағы мектепте кездесуге қатысты. Жоғары сынып оқушылары қатысқан кездесуде "Дін Ислам - діңгегім" тақырыбы тарқатылып, бүгінгі таңда көп қозғалатын сұрақтар қаузалды.
Алла Тағала қолдағы барымызды сынақ етіп берді. Қиямет күні оны қалай және қайда жұмсағанымыз туралы сөзсіз сұраламыз. Жаратушы Иеміз қасиеті Құранда мал-мүлігін Алла жолында жұмсағандарды мақтап, барша мұсылман қауымына үлгі етеді.
Шу ауданының бас имамы Бахтияр Амантайұлы апта соңында Далақайнар ауылына барды. Онда жамағат жайған дастарханнан ауыз ашып, мешітке келген кісілерге "Намаз-мұсылманның парызы" тақырыбында уағыз айтты.
Талас аудандық "Қаратау Қажы би" мешітінде қасиетті Рамазан айы түндерінде тарауық намазы жоғары деңгейде өтіп жатыр. Аудан бас имамы Жалғасбай Дүйсенбайұлы тарауықтың алғашқы күндері «Қаратау Қажы би» мешітіне жиылған барша жамағатты мүбарак Рамазан айымен құттықтап, аталмыш айдың қадір қасиеті мен дәрежесі жайында уағыз айтты.
Бетқайнар ауылдық мешітінің молдасы Нұрлан Жиенбаев әскери қызметкерлермен кездесу өткізді. Діни жүздесуде басшылыққа бағынудың маңызы, өз-өзіне қол жұмсаудың шариғатта құпталмаған, мәңгілік тозаққа апаратын ауыр дүние екенін жеткізді.