МЕШІТ АҚПАРАТ

  1. Басқы бет
  2. МЕШІТ АҚПАРАТ
МЕШІТ АҚПАРАТ
ҚАРАЛДЫ: 3971
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active

Қазақстан мұсылмандар діни бақармасының төрағасы, Бас мүфти Ержан қажы Малғажыұлы хазреті Жамбыл облысына жасаған іс-сапары барысында Талас ауданындағы Кеңес ауылдық округіне қарасты Көшек батыр ауылында жаңа бой көтерген «Нұрым-Молда» мешітінің ашылу салтанатына арнайы келді. Мешіт алдына жиналған көпшілік қауым мүфти хазретті асыға күтіп тұр екен. Жасы бар, жасамысы бар, жалпы жамағат Бас мүфтиге сәлем беріп, оны жаңа қызметімен құттықтап жатты. Бас мүфтимен бірге мешіттің ашылу салтанатына ҚМДБ-ның найб мүфтиі Серік қажы Ораз, бөлім меңгерушісі Ербол қажы Сағиұлы, Жамбыл облысы бойынша өкіл имамы, облыстық «Һибатулла-Тарази» мешітінің Бас имамы Данияр қажы Жұмабаев және Жамбыл облысы әкімдігінің Дін істері басқармасының басшысы Айдапкелов Серғали Өмірзақұлы, Талас ауданының әкімі Рымтаев Досан Таласбекұлы, сондай-ақ, ауылдық округтерінің әкімдері, ауыл молдалары мен мекеме басшылары қатысты.

МЕШІТ АҚПАРАТ
ҚАРАЛДЫ: 7662
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active

Жамбыл облысы әкімдігінің Дін істер басқармасы және Жамбыл облысы әкімдігінің жастар саясаты мәселелері басқармаларының ұйымдастыруымен Тараз қалалық Мәдениет үйінде «Сауатты жас- салауатты қоғам болашағы» атты облыстық ғылыми - практикалық конференция өтті. Конференцияны Жамбыл облысы әкімінің бірінші орынбасары Көкрекбаев Кәрім Насбекұлы басқарып отырды. Конференцияға көрермен ретінде, мемлекеттік біртұтас тіркеуден өткен өзге дін өкілдері, аудан - қаланың бас имамдары, Қоғамдық қордың мүшелері, философтар, ұлағатты ұстаздар, аудан-қала әкімдері, жастар қоғамдық бірлестігінің өкілдері,  саясаттанушылар, өзгеде зиялы қауым өкілдері қатынасты. Жиналыста басты көтерілген мәселе бүгінгі жастардың тәрбиесі.

МЕШІТ АҚПАРАТ
ҚАРАЛДЫ: 5991
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active
Қалаға қарағанда ауылдың жайы басқаша. Бүгінгі таңда шалғай ауылды елді мекендерде, қасиетті дініміз үшін қара халықтың ақыл айтар серкесі, болған имамдардың жағдайын білесіздер. Бір ауылда газ жоқ, бір ауылда электр жоқ, бүгінгі қаланың баласы құр уақытын ысырап етер ғаламторда жоқ. Жаңалық яки бір қуанышты хабар болса да апта соңында естіп жатады. Мешітке келген жамағаттың ғибадатын дұрыс орындауы үшін мешітті жылытып, от қала берді қыста дәрет суы да қазандыққа қайнатып даярлап отырады. «Азаны бар ауыл азбайды» дегендей Аллаға шүкір, ауылда имамдардың барлығынан діни рәсімдер толықтай өтеліп жатыр. Сөйте тұра бір бөлім бауырлар ауыл имамдарын жамандауға әуес. Шіркін осы имамдардың атқарған қызметін өздері көрсе ғой!

МЕШІТ АҚПАРАТ
ҚАРАЛДЫ: 4321
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active
Отан болашағы елдің үкілеген үміті, кешегі бабаларымыздың асыл арманы біреу болған. Ол болса «Ұрпақ қамы-ұлт қамы» дейтін ұлағатты сөз. Ендеше осы болашақ жастарды рухани нәрмен азықтандыру, ел тұтқасын ұстайтын білікті маман етіп даярлап шығу жалпыға ортақ міндет. Дейтұрғанмен асыл дініміздің құндылығын үйретіп, бабалар салған сара жолдан адаспай, құлға тән қасиетпен Пайғамбарымыз(с.ғ.с) сүннет жолымен жүруде. ҚМДБ-ның төрағасы Бас мүфти Ержан қажы Малғажыұлы хазрет Жамбыл облысындағы «Һибатулла Тарази» медресесіне келгенде, медресе директорының оқу ісі жөніндегі меңгерушісі Оразов Исатайдың таныстырмасынан соң,  шәкірттермен кездесуінде: «Құрметті шәкірттер! Сіздер елдің үмітісіздер. Ертең Отанға ие болып, ел үшін еңбек етесіздер. Сол үшін талмай ізденіп, жалықпай білім алыңдар», - дей келе, Пайғамбарымыз (с.ғ.с)  ілімнің артықшылығы туралы: «АллаҺ тағала кімге жақсылық қаласа, соған дінді кеңінен, терең түсінуді нәсіп етеді» өсиеттеген хадисін тілге тиек етті. Кездесу соңына Бас мүфти шәкірттермен суретке түсіп, естелік қалдырды.

МЕШІТ АҚПАРАТ
ҚАРАЛДЫ: 4905
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active

Аптаның сұлтаны қасиетті Жұма күні Киелі Тараз қаласына ат басын тіреген, Қазақстан мұсылмандары діни басқармасының төрағасы, Бас мүфти Ержан қажы Малғажыұлы хазрет, ҚМДБ-ның мешіт істері бөлімінің меңгерушісі Ербол Сағиұлы қатарлы қонақтар Жұма намазынан бір сағат бұрын облыстық «Һибатулла Тарази» мешітіне келді. Мешітке кірген соң ҚМДБ-ның Жамбыл облысындағы өкілі, аталмыш мешіттің бас имамы Жұмабаев Данияр қажының айтуымен халықтың сұранысы бойынша Бас мүфти хазрет мінберге көтеріліп, Жұма уағызын жүргізді. Уағыздың тақырыбы «Тәубә» туралы болды. Уағызды Қасиетті Құран аятымен бастап, Пайғамбарға (с.ғ.с.) салауат айтып, халықпен амандасып барып бастады. Мешітке жиналған халықтың қарасы да көп, себебі өкіл имам өткен Жұмада Бас мүфти хазреттің келетінін айтып сүйіншілеген болатын. Содан болса керек, кәрі жас демей жамағат бұрынғыдан да көп жиналған.

МЕШІТ АҚПАРАТ
ҚАРАЛДЫ: 3499
РЕЙТИНГ:
( 1 HELIX3_COUNT_RATING )

User Rating: 5 / 5

Star ActiveStar ActiveStar ActiveStar ActiveStar Active

Жібек Жолының бойында орналасқан қалалардың бірі, Орта ғасырларда «Тараз» деген атауымен әйгілі болған Шаһарды төрткіл дүние біледі. Көне қала «Әулие ата» деп аталып келіп, 1997 жылы Елбасы Н.Назарбаевтың жарлығымен Жамбыл облысының орталығы Тараз деген аты қалаға қайтарылған болатын. 2002 жылы Тараз өзінің 2000 жылдық мерейтойын атап өтті. Бұл топырақта сөз бастар шешен, ел бастар көсемдер дүниеге келген. Тарази деп аталатын ғұламалардың шоғыры да осы мекеннен түлеп ұшқанына дәлел жазба жәдігерлеріміз куә. Осындай киелі мекенге арнайы сапармен Қазақсатан мұсылмандары діни басқармасының төрағасы, Бас Мүфти Ержан қажы Малғажыұлы хазрет келіп Жамбыл жұртымен қауышты.
Тұңғыш сапарлап келетінін естіген жұрт елеңдеп, Бас мүфтиге сәлем берсек, амандасып қауышсақ деген халықтың ықыласы шексіз болды.

Рус