Апаларымыз адыраспанмен бесікті аластайды. Ол ширк па?

Ләззат 

Шірік емес. Ол сол жерді тазалау. Ілгеріде адыраспанды опереция алдында тазалық үшін қолданған. Адыраспан емдік шөп. Оның түтіні аудағы микробтарды өлтіреді. 

Егер таң намазына ұйықтап қалсам, сонан соң күн шығып кеткеннен кейін оқыса болады ма? 

Болады. Егер бесін намазына дейін оқысаңыз сүннетін де оқисыз. Бесіннен кейін оқысаңыз тек парызын оқисыз. Себебі сүннеті уәжіп орнына жүреді.

Уәжіп намазының қазасы өтеледі ме? Намазды оқып бастағаннан кейін, баяғы оқымай жүрген кездегі намаздарды өтеу парыз ба? Мысалы, 30 жасқа келіп оқысаң, балиғат жасқа толғаннан кейінгі оқымаған күндерді есептесең... Намазсыз өткен күндердің орны өтелмейді ғой, дегенмен қандай жеңілдіктері бар?

Алтынай 

Үтір уәжіп намазының қазасы бар. Пайғамбарымыз (с.ғ.с.): «Иманға келгенде алдыңғы күнәләр теңіздің көбігіндей болса да кешіріледі», - деген.  Кейбір  ғалымдар арасында намаз бастаған күнге дейінгіні орындамаса да болар деп пәтуә бергендер де бар. Бірақ бір шартпен: намазды бастағаннан кейін намаздарды тастамау керек деген.

Сапарда жүргенде екі намазды қосып оқуға болады ма? Мысалы, зухр мен асрды. 

Екі намазды қосудың шарты бар. Бесінді  соңғы уақтында оқып, асрды біраз күте тұру керек. Кіргеннен кейін асрды оқисыз. Шам мен құптан да дәл солай.

Мені мазалап жүрген бір сұрағым бар еді, 2 ракат намазды оқып болғанда «Әттахият» дұғасын оқып отырғанда кейбір жамағат саусағын көтеріп отырады. Сол  дұрыс па, әлде бұрыс па? Мен де  алдында солай істеп жүрдім, кейін олай істеуге болмайтынын естіп қалдым. Қайсысы  дұрыс екенін айтып берсеңіз. 

Бауыржан

Намазда, тәшәххудта саусақ көтеруге Ханафи ғалымдарының кейбірлері сүннет, кейбірлері мәкрух, тағы бір бөлігі харам деген.  (Мәктубати Раббани)  Отырыстарда әт-тахиятты оқығанда «Ләә иләһә» деген кезде оң қолының сұқ саусағын көтеріп, «иллаллаһ» деп, қайта түсірілуі – сүннет. Сұқ саусақ көтерілгенде, қалған саусақтар бүгіледі. Бұл – Аллаһтан басқа құдай жоқтығын қуаттаудың белгісі (Тирмизи, Салат, 84).

Жақыннан бері намаз оқимын. Шалбар  киюге болмайды ма? Сауданың дұғасы болады ма?  Болса, ол қандай дұға? Жазып берсеңіздер. Өзім базарда жұмыс жасаймын. Соңғы кезде саудам жүрмей қойды. Бір молдаға оқытып едім, пайдасы болмады. Қайта оқытуға көп ақша сұрайды.

Айгүл

Сауда дұғасы: «Раббана әтинә милләдүнкә рахматан уа қайи лана миын әмринә рәшәдә»  ( «Кахф» сүресі, 10-аят). Кімнің  ісі  жүрмесе әр күні «Истиғфар» дұғасын оқысын және үнемі салауат айтып жүрсін «Аллаһума салли уа саллим уа бәрик уа алихи уа сахбихи ажмағин».

Мен бұрын ораза ұстап көрмегенмін. Аллаға шүкір, жаңадан иманға келіп жатқандардың бірімін. Жазда Рамазан айы өтiп кеттi ғой. Ендi  мен Рамазан айы келгенше үлгеріп, ораза ұстасам болады ма? 30 күннің қазасын өтей аламын ба? Және арабша айлардың есебі бойынша, әр айдың 13,14,15 күндерi ораза ұстау керек екен. Мен өзіміздің айлардың 13, 14, 15 күндері ұстасам қалай болады?  

Ақсұңқар 

Нәпіл ретінде әр айдың 13/ 14 /15 күндері ораза ұстау үлкен сауап. Бұлар тек араб айдарымен есептеледі. Биылғы оразаны ұстасаңыз болады. Маусым айының 17 жұлдызына келеді. Қазаны қазір де өтесеңіз болады.

Күйеуі әйеліне ұрыс кезінде 3 рет талақ сөзін айтып, кейін қатты өкінсе, тәубеге  келсе, ол күйеуінің иманы қабылданады ма?  Әйелінің аяғы ауыр болса, ол туылған бала зинадан туылған бала болмайды ма? Менің бір танысымның  отбасында осы мәселе болып жатыр еді. Сайтка жарияламасаңыздар. Бір кісінің өтініші. 

Неке үш бұтақтан тұрады.  Қандай ниетпен айтылған талақ сөзіне қаралады. Егер ашу немесе есін білмеген уақытында және мастық шағында айтылса, талақтың бір бұтағы кесіледі. 2 бұтағы қалды. Соны үзіп алмаңыздар. Некелеріңіздің батасын жаңартсаңыздар артық болмайды. Некелеріңіз бұзылған жоқ.