Қарасу ауылдық мешітінде араб тілі дәрістері өз жалғасын табуда. Мешіт жанынан ұйымдастырылған бұл сабақтар жамағаттың, әсіресе жастардың діни сауатын арттырып, Құран тілін үйренуге деген қызығушылығын күшейтуде.
Меркі аудандық «Меркі ата» мешітінде аудан ақсақалдарымен келелі кездесу өтті. Аудандық ардагерлер кеңесінің төрағасы Жылысбаев Байсейт Сабырұлы, аудандық билер кеңесінің төрағасы Өзбеков Медербек Көшенұлы, ардагерлер кеңесі төрағасының орынбасары Шолпанқұлов Ержан Диханалыұлы, "Мерейлі – Мерке" қайырымдылық қоғамдық қорының төрағасы Қалманбетов Жантұрсын, аудандық әкелер кеңесінің төрағасы Исақұл Асан аудан бас имамы Дәуіт Сейітқалиұлымен кездесуге мешітке келіп, ақ баталарын беріп, алдағы қызметіне сәттілік тіледі.
«Жүніс молда» мешітінің шәкірттеріне «Жастар әдебі» тақырыбында тағылымды насихат айтылды.
Ақтоған ауылы «Шақшам ата» мешітінің имамы Турпанов Асқардың ұйытқы болуымен және қайырымды жандардың қолдауымен ауылға қарасты 10 отбасыға қаржылай көмек көрсетілді.
Қызылқыстақ ауылы “Әл-Карим” мешітінің имамы Алпысбаев Есболдың және мешіт жамағатының ұйымдастыруымен ауылға қарасты 10 отбасыға 20 000 тг (200 000), 1 отбасыға 25 000 тг, 1 отбасының үйінің сыртын сылап беруге 400 000 тг қаражат және 1 отбасыға азық-түлік мектеп оқушылары атынан табысталды.