Қызылқыстақ ауылы “Әл-Карим” мешітінің имамы Алпысбаев Есболдың және мешіт жамағатының ұйымдастыруымен ауылға қарасты 10 отбасыға 20 000 тг (200 000), 1 отбасыға 25 000 тг, 1 отбасының үйінің сыртын сылап беруге 400 000 тг қаражат және 1 отбасыға азық-түлік мектеп оқушылары атынан табысталды.

Игі шараның басты мақсаты – әлеуметтік тұрғыдан аз қамтылған отбасыларға қолдау көрсетіп, қайырымдылық пен жанашырлық құндылықтарын дәріптеу. Жамағаттың бірлескен еңбегінің нәтижесінде мұқтаж жандарға нақты көмек көрсетіліп, олардың тұрмыс-тіршілігіне оң әсерін тигізді.

Ауыл тұрғындары мен игі іске ұйытқы болған азаматтарға алғыс білдіріліп, мұндай сауапты амалдардың жалғасын табуы тілге тиек етілді. Қайырымдылық – қоғамды біріктіретін, адамдардың жүрегіне жылулық сыйлайтын ізгі қасиет екені тағы бір мәрте айқындалды.

Ұлттық құндылықтарымызды ұлықтап, әжелер мектебінің тағылымын насихаттау арқылы өскелең ұрпақтың бойына мейірімділік пен ізгілікті сіңіру – баршамызға ортақ міндет.

Меркі аудандық “Меркі ата” мешітінің баспасөз қызметі