Меркі ауданында қыз-келіншектерге арналған рухани-танымдық кездесу ұйымдастырылды. Шараға Жамбыл облысы әйел-қыздар істері жетекшісі, ұстаз Жазира Иманалиева арнайы қатысып, әйелдің білімі мен тәрбиесі тақырыбында мазмұнды уағыз-насихат айтты.

Кездесу барысында ұстаз әйелдің қоғамдағы және отбасындағы орны, оның ұрпақ тәрбиесіндегі жауапкершілігі, сондай-ақ білім мен имандылықтың маңызы туралы тағылымды ойларымен бөлісті.

Шараға қатысқан қыз-келіншектер ұстаздың насихатынан рухани әсер алып, өмірлік маңызы бар кеңестерге қанықты.

Меркі аудандық  “Меркі ата” мешітінің баспасөз қызметі