«Қайырымдылық жасасаң, қайырын өзің көресің» деген дана халқымыздың сөзі бар. Расында, жоқ-жітікке жәрдем беру, мұқтажға қол созу – ата-бабамыздан келе жатқан игі дәстүр.

Осы сауапты істі жалғастыру мақсатында Жуалы ауданы, Бауыржан Момышұлы ауылындағы аудандық «Толымбай тегі Зиябек» мешіті арқылы төрт мұқтаж отбасыға азық-түлік қораптары таратылды.

Бұл игі шара мешіт жамағатының қолдауымен жүзеге асып, көмек алған отбасылар шынайы ризашылықтарын білдірді. Қайырымдылық – жүректен шыққан мейірімнің белгісі, ал мұндай ізгі істер адамдар арасындағы мейірімділік пен бірлікті нығайта түсетіні сөзсіз.

Жуалы аудандық мешітінің баспасөз қызметі