Жуалы ауданы, Қарасаз ауылдық мешітінде ауыл тұрғыны Ұмра қажылық сапарынан оралған соң, жұма намазынан кейін жамағатқа арнайы дастархан жайды. Қасиетті сапардан келген мұсылманның ықыласы ретінде Зәм-зәм суы, құрма және басқа да тағамдар таратылды.

Қажылықтан оралу – тек жеке адам үшін ғана емес, оның отбасы, жақындары және тұтас мұсылман қауымы үшін де маңызды оқиға. Дәстүрге сай, қажылық парызын өтеп келген жанды жамағат жылы қарсы алып, ақ тілектерін білдіреді.

Ауыл молдасы Мырзанұлы Асқар қажылықтың қасиеті мен сауаптылығы жайында айтып, қажыға Алла мол сауаптан жазсын деген тілегін жеткізді. Жиынға қатысқан қариялар қажылық парызын өтеп келген азаматқа ақ батасын беріп, алғыстарын айтты.

Жуалы аудандық мешітінің баспасөз қызметі