Қаратау қаласындағы “Спорт кешені” залында Талас аудандық "Қаратау Қажы би" мешітінің бас имамы Жалғасбай Дүйсенбайұлының ұйымдастыруымен Қазақстан Мұсылмандары Діни Басқармасының 35 жылдығына орай имамдар арасында кіші футболдан ашық турнир өтті.

Жарысқа Жамбыл облысының әр түкпірінен 12 ауданның командалары қатысып, өзара мықтыны анықтады. Жуалы ауданынан барған имамдар да шебер ойын көрсетіп, тартысты додада өз өнерлерін паш етті.

Турнир соңында барлық қатысушылар ұйымдастырушыларға алғыс айтып, осындай игі шаралар имамдар арасындағы ынтымақ пен бауырмалдықты нығайта түсетінін атап өтті.

Жуалы аудандық мешітінің баспасөз қызметі