Жуалы ауданы, Күреңбел ауылдық мешітінде игі іс атқарылды. Мешіттің молдасы Әскертайұлы Рамазанның ұйымдастыруымен және демеушілердің қолдауымен мұқтаж отбасыға азық-түлік табысталды.

Қайырымдылық – қоғамның рухани тірегі, адамдар арасындағы мейірімділік пен жанашырлықтың көрінісі. Осы орайда, мешіт молдасы мұқтаж жанға қолдау көрсеткен жомарт жандарға алғыс айтып, игі істерінің қабыл болуын тілеп, батасын берді. Осындай сауапты шаралар ел ішінде мейірімділік пен бірлікті нығайта түсетіні сөзсіз.

Жуалы аудандық мешітінің баспасөз қызметі