Жамбыл облыстық "Һибатулла Тарази" мешітінде өңірге қарасты қала және аудан бас имамдарына арналған жиын өтті. ҚМДБ-ның Жамбыл облысы бойынша бас имамы Асқар Зәкіржанұлының жетекшілігімен өткен жиналыста қасиетті Рамазан айына дайындық мәселесі көтерілді.

Жиында ауызашар ұйымдастыру, тарауих намазын өткізу, мешіт тазалығы, қайырымдылық шаралары сияқты маңызды бағыттар талқыланды. Сондай-ақ, жамағатқа тегін қоғамдық көлік ұйымдастыру, Құран хатым топтарын құру, мешіт асханаларындағы тағамдардың халал стандартқа сай болуын қадағалау секілді нақты тапсырмалар жүктелді​.

Бас имам қасиетті айдың жоғары деңгейде өтуі үшін мешіттердің әзірлігіне ерекше мән беріп, имамдар мен мешіт қызметкерлеріне тиісті жұмыстарды уақытылы атқаруды тапсырды.

Ақерке БЕКҚҰЛОВА

"Һибатулла Тарази" мешітінің баспасөз қызметі