Талас ауданы, Ақкөл ауылында "Ақкөл" мешітінің имамы Амиров Сейіткамилиддиннің ұйымдастыруымен 1984 жылы туған ауыл жастары игі бастама көтеріп, қайырымдылық шарасын өткізді.

Жастар қомақты қаржы жинап, азық-түлік алып, мұқтаж ауыл тұрғындарына таратты. Сонымен қатар, мешіт асханасында ас беріп, ауыл ақсақалдарын шақырып, олардың ақ батасын алды.

Өз кезегінде, Сейіткамилиддин имам қайырымды іске ұйытқы болған ауыл жастарына ризашылығын білдіріп, оларға ақ батасын берді.

Ақкөл мешітінің баспасөз қызметі