Мойынқұм ауданында Ауған соғысының ардагерлерін еске алу мақсатында арнайы іс-шара өтті. Жиынға соғыс ардагерлері, олардың туыстары, зиялы қауым өкілдері мен ауыл тұрғындары қатысты.

Шара барысында Ауған соғысында қаза тапқан сарбаздардың рухына Құран бағышталып, дұға жасалды. Ардагерлер соғыс жылдарындағы естеліктерімен бөлісіп, бейбіт өмірдің бағасын білу керектігін атап өтті. Қатысушылар батыр бабалардың ерлігін ұлықтап, жас ұрпаққа патриоттық тәрбие берудің маңыздылығын айтты.

Бұл шара – ел қорғаған ерлерді ұмытпау, олардың ерлігін дәріптеу және өскелең ұрпаққа тағылым беру мақсатында ұйымдастырылған маңызды басқосу болды.

Мойынқұм ауданының баспасөз қызметі