Тұрар Рысқұлов ауданы Құлан ауылы «Сұлтан» орталық мешітінде жұма намазынан кейін мешіттің тұрақты жамағатына Тараз қаласы «Әулие Ата» мешітінің наиб имамы және «Дін мен дәстүр» бағытына облыс бойынша жауапты Ғайырфулла Әмірбеков «Дін мен дәстүр» тақырыбында уағыз айтты.

Ғайырфулла имам уағызының соғында: «Қазақ халқының ғасырлар бойы ұстанып келе жатқан діні – Ислам, шариғаттағы іс-амал мазһабы – ұлы имам Әбу Ханифаның мазһабы. Ал діни дүниетанымдық ұстанымы Исламның негізгі қайнар бұлақтары – Құран мен ардақты Пайғамбарымыздың (оған Алланың салауаты мен сәлемі болсын) сүннетіне негізделген Сүннет және жамағат жұрты, оның ішінде Әбу Мансұр әл-Матуридидің мектебі болып табылады.

Ендеше, дін мен дәстүр үндестігін сақтау – бүгінгі ұрпаққа жүктелген үлкен міндет. Бұл екі асыл қазынамызды қадір тұтсақ, тарихымыз бен мәдениетімізді ұлағаттаған, ата-бабалар қалдырған ұлы аманатты сақтаған боламыз», - деп, қорыта айтты.