Тұрар Рысқұлов ауданы Қарақыстақ ауылдық «Бәйдібек баба» мешітінің имамы Қайсар Сұлтанов ауылдық мәдениет үйінде арнайы Қарттар күніне орай өткізілген «Қарттарын қадірлеген ел ардақты» атты іс-шараға қатысты. Жиынға қазыналы қариялар мен кітапхана қызметшілері қатысып, рухани отырыстың куәсі болды.

Ауыл имамы жиында қарияларды құрметтеу керектігін, кішілерге мейірім көрсету керектігін баса айтты.

Өмір алма-кезек. Кімде-кім бойында күш жігер бар уақытында, яғни жастық шақта үлкендерді сыйлап, құрмет көрсетсе, ертең қартайғанда жасаған қызметі алдына шығады. Ардақты Пайғамбарымыз (оған Алланың салауаты мен сәлемі болсын): «Қандай да бір жас адам жасы үлкенді құрметтейтін болса, қартайған уақытында Алла Тағала оны да құрметтейтін біреуді жібереді», – деген (имам Тирмизи).

Қазақ халқы: «Үлкенге құрмет, кішіге ізет» немесе «Қарты бар елдің қазынасы бар» деу арқылы үлкен адамның қадір-қасиетін бағалап, сыйлап, құрмет көрсетуді насихат еткен.