«Бірлігі жарасқан жамағат» бастамасымен Тараз қаласының «Ар Рахман Ар Рахим» мешітінің жамағатына арнап дастархан жайылды. Келушілерге мешіт имамы Амангелді  Ембергенов уағыз-насихатын айтып, сұрақтарына жауап берді.   

Адам баласының бойына ең қажетті мейірімділік пен сүйіспеншілік, өзара сыйластық пен кеңпейілділік және тағы да басқа құндылықтарды топтастыратын маңызды қасиеттің бірі – бауырмалдық.   Бұл қасиеттің әсіресе, асыл дініміздегі алатын орны өте ерекше. Дінімізде мұсылман мұсылманның бауыры, ол оған еш уақытта тілімен де, қолымен де жаманшылық жасамайды, келеке етпейді, малына, арына сұқтанбайды. Осы мақсатта мешіт жамағатының басын қосып дастархан жайылды.

Тараз қалалық "Әулие ата" мешітінің баспасөз қызметі