Тараз қаласының имамдарына арнап білімдерін шыңдау мақсатында Құран курсы ұйымдастырылды. Курс имамдардың дәрежесіне қарай екі топқа бөлініп, 20 күнге созылды.

Қазіргі таңда жамағат арасында білімімен пікір айтар азаматтар өте көп. Көп жағдайда имамдармен сондай азаматтар арасында түсініспеушіліктер орын алып жатады. Осындай жағдайлардың алдын алу мақсатында, жамағатпен дұрыс қарым-қатынас құру үшін семинарлар өткізу қолға алынды.

Семинардың ашылуында Тараз қаласының бас имамы Ержан Аманбаев сөз сөйлеп, түйіткілдерді тілге тиек етіп, білімді тереңдетудің маңызы жайлы сүбелі сөз сөйледі. 

Тараз қалалық орталық «Әулие ата» мешітінің найб имамы Асылхан Турлыбеков  мен «Әбу Бәкір ас Сыддық» мешітінің имамы Қасымжан Бектаев  ұстаздық етуге бекітілген болатын.

Тараз қалалық "Әулие ата" мешітінің баспасөз қызметі