Алла тағала құранда: "Ескерт! Өйткені ескерту мүміндерге пайда береді", - деген "әз-Зарият" сүресінің 55 - аятында. Міне, осындай ниетпен РАНТ мүшесі Дастан Желеуов  Тараз қаласында орналасқан "Кеңесхан қажы" мешітінде шаһарлықтармен кездесті. 

Мешіттен ілім аламыз, иманға пайда табамыз деп келген жамағат білікті маманның насихатын құлаққа ұрғандай ұйып тыңдады. Қоғамдағы түйіткілді мәселелердің түйінін тарқатып айтқан уағызшы жат ағым мәселесін де тілге тиек етті. 

Өйткені теріс бағыт қазақтың, мұсылмандардың арасына іріткі салып бітті. Ал асыл дінімізде тату елдің арасын бұзу - күнә, жазасы да ауыр. Тіпті туысымен байланысты үзгендер бізден емес, деп те келеді. Ал бір бүтін елдің топ-топ болып бөлінуіне сеп болушылардың осы жерде кім екені анықталғандай. 

Маман көпшіліктің көкейкесті сауалдарына жауап беріп, саналы мағұлматты сапалы тыңдарманға жеткізе білді. 

Ақерке БЕКҚҰЛОВА

"Һибатулла Тарази" мешітінің баспасөз қызметі