Қазақстан мұсылмандары діни басқармасы бастаған "Мектепке жол" бағдарламасы аясында барлық облыстарда қайырымдылық науқандары жыл сайын дәстүрлі түрде өткізіліп келеді. Биыл да игі бастама аяқсыз қалмай өз жалғасын тапты. 

Жамбыл облысының әр өңірінде ұйымдастырылған шара аясында 700 бала мектепке қажетті киім, құрал-жабдықтармен қамтамасыз етілді. Ауқымды шараның мектеп алды дайындық уақытында облыстық "Һибатулла Тарази" мешіті  кеше бұл жылға қорытынды ретінде қайырымдылық науқанын өткізіп, 40 оқушыны мектепке дайындады.

Айта кетейік, мектепке арналған құрал-жабдықтар салынған сөмкелер көпбалалы, әлеуметтік жағдайы төмен, мүмкіндігі шектеулі адамы бар отбасылардың балаларына берілді. 1 бала үшін шамамен 13 000 теңге қаражат жұмсалды. 

Науқанға облыстық "Jambyl", "Тараз 24 " арналарының тілшілері келіп, облыс бас имамы Бейбіт Мырзагелдиевтен сұқбат алды. Діни көшбасшы "Мектепке жол" бағдарламасы турасында ақпарат беріп, атқарылған жұмыстар жайында журналисттердің сауалдарына жауап берді. 

Ақерке БЕКҚҰЛОВА

"Һибатулла Тарази" мешітінің баспасөз қызметі