Білім - ақылдылық пен парасаттылықтың белгісі. Білімді адам жарық шам секілді. Пайғамбарымыз (Алланың салауаты мен сәлемі болсын) "Білім алу - әрбір мұсылман кісіге де, әйелге де парыз" - деген. Міне, "1 қыркүйек - Білім күні" келіп жетіп, барлық білімгерлер оқу ордаларына ағылуда. 

Тараз шаһарының діни білім ордасы "Һибатулла Тарази" медресе-колледжі жаңа 2022-2023 оқу жылын бастады. Осыған орай, бүгін оқу ғимаратында мерекелік жиын өтті. 

Медресе-колледждің директоры қызметіне тағайындалған бас имам Бейбіт Мырзагелдиев студенттер алдында сөз сөйлеп, білім алудың маңызын, діни ілімнің пайдасын тілге тиек етіп, насихатымен шәкірттердің ықыласын оятып, жаңа оқу жылымен құттықтады. 

Шарада мешітіннің наиб имамыдары Нұралы Бақытұлы мен Ғалымбек Жапек те жылы лебізін білдіріп сөз сөйлеп, 1 курсқа қабылданған шәкірттерге, медресенің баласындай болып кеткен студенттерге сәттілік тіледі. 

Ақерке БЕКҚҰЛОВА

"Һибатулла Тарази" мешітінің баспасөз қызметі