«Ар-Рахман Ар-Рахим» мешітінің имамы Ембергенов Амангелдінің ұйымдастыруымен бүгінгі таңда «Имани жаз – 2022» атты жазғы сауат ашу курсында 100-ге жуық мектеп жасындағы ұл-қыздар діни бастауыш сауаттарын ашуда.

Мешітте 60-қа жуық қыз балалар бір топ болып, 20 шақты баладан екі топта ер балалар күнделікті белсенді білім алуда. «Қуанса бала қуансын!» демекші, мешіт имамы Амангелді Назарбайұлы білім жолында жүрген бүлдіршіндерге арнайы дайындаған айттық сыйлығын тарту етті. Мұндағы басты мақсат –балалардың екі айтты сағына күтетіндей болуына себепкер болу.Имам мешіттің жас шәкірттерін айт мерекесімен құттықтап, оқуда озат болуларын тілей отырып балалардың деңгейіне түсіп уағыз-насихат айтты. Бұл жолғы жұмсалған қаражаттың жиынтығы 50 000 теңгені құрайды.

   Айттық сый алған балалардың қуанышы шексіз екені жүздерінен байқалады. Балаларды қуантқаннан артық не бар, бұл өмірде? Олардың жайнаған жүзін көріп, күміс күлкісін естіп, алаңсыз бақытты балалық шағын тамашалағаннан артық ғажап нәрсе болмас.     

 «Ар-Рахман Ар-Рахим» мешітінің баспасөз қызметі