Бүгінде «Барыңмен бөліс!» деген ұстанымды өздерінің өзгермес қағидасына айналдырған имамдар жоқ емес. Сол имамдардың бірқатары Тараз қаласының имамдары десек қателеспейміз.

Олар жиі-жиі қайырымдылық шараларын ұйымдастыруды өз міндеттеріндей санайды. Құрбан айты мерекесінің құрметіне мешітте белсенді қызмет етіп жүрген жас ұстаздарға «Ар-Рахман Ар-Рахим» мешітінің имамы Ембергенов Амангелді қаржылай сый табыстады. Атап айтқанда «имани жаз» атты сауат ашу курсының ұстаздары Оңғарбаев Мәлик Нышаналыұлына 85 000 теңге, Торланбаев Әліби Жандосұлына 85 000 теңге берілді. Бұған қоса Кужагалиев Ерасылға 50 000 теңге, Шораев Нұрдосқа 45 000 теңге берді.

Имам мешіт ұстаздарын айт мерекесімен құттықтап, қызметтеріне жеміс тілей отырып алғыс білдірді. Бұдан бөлек мешіт тарапынан жетім-жесірлерге, көпбалалы отбасыларға, айналадағы мұқтаждарға, мүмкіндігі шектеулі жандарға тұрақты түрде көмек көрсетіліп келе жатыр. Осы жолғы жұмсалған қаражаттың жиынтығы 265 000 теңгені құрайды.

   Қаржылай сый алған ұстаздар да имамға шексіз алғыстарын жеткізді.   

 «Ар-Рахман Ар-Рахим» мешітінің баспасөз қызметі