Аудандық Қордай мешітінде көпшілікті ұйып тыңдатқан сүбелі уағыз айтылды.  Құптан намазының алдында  "Ихсан ілімі" тақырыбын насихатына арқау еткен ауданның бас имамы Асқар Зәкіржанұлы көпшіліктің сауалына жауап та берді. 

"Ислaм – көркем мінез бен әдептілікке негізделген дін. Әдеп­­тілік адамды көрікті етеді. Ихсaн ілімі көркем мінез бен адамға тән күллі әдептілікті қа­лып­тaстырады. Муғаз ибн Жабал (р.а) Пайғамбарымыздың (с.а.с) былай дегенін риуаят етеді: «Алла Тағала ислам дінін көркем мінез және ізгі амалдармен қоршап қойған».   Жақсылық жасау. жұмсақ мінез, игі істер істеу. сәлем беру,науқастың хәлін сұрау,жақсы көрші бола білу , үлкенді сыйлау, жомарттық, кешірімді болу, кешірім жасау, ашуын басу көркем мінезге жатады. Сондай-ақ өтірік, ғайбат, сараңдық, іштарлық, жәбір көрсету, айлакерлік, қулық, сөз тасу, туыстан безу, жаман мінез, арсыздық, қызғаншақтық, дұшпандық, әділетсіздік сияқты әрекеттерден бойды аулақ ұстау көркем мінезге жатады" - деді бас имам өз сөзінде.

Ихсанның адам өміріндегі маңызын жіліктеп түсіндірген маман көпшілікті осы игілікті бойға сіңдіруге шақырды.

Қордай аудандық мешітінің баспасөз қызметі