Бүгін Жаңатас қаласының қарттарымен және жастарымен КОВОРКИНГ орталығында жүздесу өтті.

"Пайдалы әңгімелер айтылған осындай түрлі буын өкілдерінің бір мәжіліске жиналуы жиі ұйымдастырылса, қоғамға пайдасы зор деп ойлаймын, - дейді Сарысу ауданының бас имамы.

Өйткені бүгінгідей әлеуметтік желі отбасын алмастырған заманда бір отбасы адамдарының өзі бір-бірімен араласып, отбасылық шүйіркелескен әңгімелердің де өмірімізден өшіп бара жатқаны ащы да болса шындық. Олай болса жастар мен қарттардың, орта буын өкілдері мен жастардың бір мәжіліс басында еркін отырып пікір алысуы осы олқылықтың орнын толтырар жақсы, бастысы барлық тараптар үшін пайдалы отырыстар болмақ.

Сарысу аудандық мешітінің баспасөз қызметі