Жамбыл ауданы Жастар орталығында ҚМДБ-ның Жастар ісі секторының айлық іс-шаралар жоспарының бірі бойынша аудандық орталық «Бәйдібек» мешітінің бас имамы Ғайырфулла Қуанышбекұлының  ұйымдастыруымен аудан жастары арасында қазақ әдебиетінде өнімді еңбек еткен аса көрнекті жазушылардың бірі Ілияс Есенберлиннің «Көшпенділер» романының 3-кітабы оқылып, сұрақ-жауап өткізілді.

Шығарма кейіпкерлері негізінен, тарихи тұлғалар, Шыңғысхан дәуірінен басталып,  Кенесарымен  аяқталатын қазақ мемлекетінің бастау көзі мен қиын-қыстаулы тағдыр-талайының басында тұрған хандар тізбегі, ел мұңы мен арман-тілегінің хабаршысы – ақын-жыраулар, ел мен жер үшін, ұрпақ болашағы үшін жан аямай шайқасып, Отанын қорғай білген арыстан жүрек, атан жілік батырлар. Бұлар – ел есінде аттары жатталып, тарихта қалған, өмірде болған тұлғалар. Айта кетейік, жастармен бірге дін білімін ғана емес жан-жақты білімді меңгеру маңызды. Өйткені, әрбір білім исламның ақиқатын анықтай түседі.

Жамбыл аудандық мешітінің баспасөз қызметі