Шу ауданына қарасты «Төле би» мешітінде мешіттің Әйел-қыздар секторының ұйымдастыруымен орыс тобы арасында «Қасиетті айлар» атты тағылымды семинар өткізілді. Шараның басты мақсаты – шәкірттердің діни білімін арттыру және рухани танымын кеңейту болды.

Семинар барысында қатысушыларға қасиетті айлардың маңызы жан-жақты түсіндіріліп, білімді бекіту мақсатында викториналық сұрақтар мен түрлі ойындар ұйымдастырылды. Белсенділік танытқан шәкірттерге естелік сыйлықтар табысталды.

Сонымен қатар, мешіттің түрлі іс-шараларына үнемі атсалысып жүрген шәкірттер «Төле би» мешітінің бас имамының арнайы алғыс хатымен марапатталды.

Шу аудандық «Жәми» мешітінің баспасөз қызметі.