Жамбыл облысы Тұрар Рысқұлов ауданы Қарақат ауылы «Сүлеймен»  мешітінің имамы Азамат Барменұлы жамағатқа «Дін мен дәстүр – рухани тәрбие» тақырыбында уағыз-насихат жасады.

Ауыл имамы уағызында: «Қазіргі заманда балаларды тәрбиелеудің ең тиімді жолдарының бірі – дін мен дәстүрді сабақтастырып, имандылыққа баулу. Өйткені жетілген екі дінгек –баланы ізгілікке, мейірімге, адалдыққа шақырады. Әрбір ата-ана өз ұрпағының жақсы адам болып өсуін қалайды.  Ол үшін бала бойына ең әуелі рухани құндылықтарды сіңіру қажет. Дін мен дәстүр арқылы тәрбиелеу – баланы қорқыту немесе міндеттеу емес, керісінше, оған жүрек жылуымен, сүйіспеншілікпен дұрыс жолды көрсету. Имандылыққа тәрбиеленген бала үлкенді сыйлайды, кішіні құрметтейді, өтірік айтпайды, жаман әдеттен бойын аулақ ұстайды», - деп, кеңінен жеткізді.

 Қуаныш Түзелбеков

Рысқұлов аудандық мешіттің баспасөз қызметі