«Отан – отбасыдан басталады» деген дана қазақ халқының сөзі – өмірдің өзінен алынған ұлағатты нақыл. Себебі адам бойындағы адамгершілік, имандылық, әдептілік, кішіпейілділік сынды асыл қасиеттердің барлығы отбасында қалыптасады.

Отбасының іргетасы берік болуы – әр мүшенің өз міндетін дұрыс атқаруында. Белгілі бір тәртіп пен сыйластық орнаған жанұяда ғана тыныштық пен береке болады. Осы бағытта Қордай ауданы әйел-қыздар секторының жетекшісі Эльмира Аманқожақызының ұйымдастыруымен жамағатқа «Бақытты отбасы — қоғамның тірегі» тақырыбында насихат айтылды.

Іс-шараға аудан ұстаздары Малика Аханқызы мен Айгүл Жолдасқызы да қатысып, өз уағыз-кеңестерін жеткізді. Берекелі де ғибратты кездесуден жамағат мол әсер алды. Алла Тағала барша отбасыларға жақсылық, жеңілдік пен береке нәсіп етсін!

Аудандық «Қордай» мешіті баспасөз қызметі