Мойынқұм аудандық "Мойынқұм" мешітінде отбасы құндылықтарына арналған әсерлі уағыз өтті. Уағызды ауданның бас имамы Ержан Көшкімбаев жүргізіп, отбасындағы өзара сыйластық, мейірім мен жауапкершілік жайында терең ой қозғады.

Имамның айтуынша, отбасы – қоғамның алтын діңгегі, ал ата-ана мен бала арасындағы сенім мен махаббат – ұлттың болашағын айқындайтын басты құндылық.

Ислам және отбасы құндылықтары жылы аясында өткен кездесуде мешітке жиналған жамағат өкілдері имамға өз сауалдарын қойып, тұшымды жауап алды.

Мойынқұм аудандық «Мойынқұм» мешітінің баспасөз қызметі.