Жамбыл облыстық «Һибатулла Тарази» мешітінде аудан имам-молдаларынан аттестацияға дайындық емтиханы алынды. Бұл сынақ дін қызметкерлерінің білім деңгейі мен біліктілігін тексеруге бағытталды.

Тестілеу мен сұхбат форматында өткен емтиханды медресе-колледж ұстаздарынан арнайы құрылған комиссия қабылдады. Қазылар алқасы үміткерлердің Құран және хадис ілімдерін меңгеру деңгейін, фиқһ (ислам құқығы), ақида (сенім негіздері) және діни рәсімдер бойынша білімін сараптап, жан-жақты бағалады.

Бұл аттестация имам-молдалардың діни біліктілігін арттыру, білім деңгейін жаңарту және жамағатқа сапалы діни қызмет көрсетуін қамтамасыз ету мақсатында ұйымдастырылды.

"Һибатулла Тарази" мешітінің баспасөз қызметі