Жамбыл облысы, Талас ауданы, Сәду Шәкіров ауылында Байтоқты баба мешітінің имамы Оспанов Бақдәулеттің ұйымдастыруымен ауыл тұрғындарымен жиын өтті.

Жиын барысында имам деструктивті діни ағымдардың қаупі мен олардың қоғамға тигізер зияны туралы баяндады. Әсіресе жастарды теріс идеологиядан қорғаудың маңыздылығына тоқталып, діни сауаттылықты арттыру қажеттігін атап өтті.

“Жат ағымнан сақтанудың ең тиімді жолы – ұрпағымызға асыл дініміз бен ұлттық дәстүрімізді дұрыс үйрету”, – деді Бақдәулет имам.

Байтоқты баба мешітінің баспасөз қызметі.