Сәду Шәкіров ауылында "Байтоқты баба" мешітінің имамы Оспанов Бақдәулеттің ұйымдастыруымен ауылдық мәдениет үйінде кездесу өтті. Бұл кездесудің негізгі тақырыбы – бала тәрбиесі болды.

Бақдәулет имам өз сөзінде Қазақстан мұсылмандары діни басқармасы биылғы жылды "Отбасы құндылығы жылы" деп жариялағанын атап өтіп, бала тәрбиесінің маңыздылығына тоқталды. Сондай-ақ, бала тәрбиесін тек мектеп мұғалімдеріне жүктеп қою – ата-ананың ең үлкен қателігі екенін баса айтып, ата-ананың бала алдындағы жауапкершілігін еске салды.

Жиын соңында мәдениет үйінің ұжымы имамға көкейдегі сұрақтарын қойып, тұщымды жауаптарын алды.

"Байтоқты баба" мешітінің баспасөз қызметі.