Жамбыл облысы, Талас ауданы, Қасқабұлақ ауылындағы "Әбілхан қажы" мешітінде жат ағымдардың зияны туралы кең көлемді уағыз-насихат өткізілді. Шараны мешіт имамы Асанов Хеурза жүргізіп, жамағатқа деструктивті діни ағымдардың қоғамға тигізер қаупі мен одан сақтанудың жолдары жайында түсіндірді.

Имам өз сөзінде жастарды жат ағымнан қорғау – әрбір азаматтың міндеті екенін атап өтіп, дәстүрлі ислам құндылықтарын ұстанудың маңыздылығына тоқталды. Жиын соңында жамағат көкейіндегі сұрақтарын қойып, тұшымды жауап алды.

"Әбілхан қажы" мешітінің баспасөз қызметі.