Жамбыл облысы Байзақ ауданы Сарыкемер ауылы «Ар-Рахман» мешітінде аудан наиб имамы Бақытбек Бауыржанұлы мешіт жамағатына «Дін мен дәстүр ізгілікке бастайды» тақырыбында насихат айтты.

Бақытбек Бауыржанұлы: «Ата дәстүрін ардақтау – қазақи тәлім тәрбие мен ұлттық дәстүріміздің соңғы кезге дейін қағаз бетіне түспей келген ақтақдақтары. Осындай асыл дәстүріміздің бірі – үлкенді сыйлау. Үлкенді сыйлау – бұл имандылық пен адамгершіліктің іргетасы. Қазақ халқының тыныс-тіршілігінде ол – ұлттық дәстүрдің басты өлшемі. Сондықтан, отбасында, бала бақшасында, мектепте, қоғамдық орындарда осы дәстүрді сақтау, оны қастерлеу әрбір адамның міндетті түрде орындайтын парызы. Мұны сақтай алмаған адам адамгершіліктен айрылған, әрі одан безген адам болады. Ертеректе мұндайларды қадірлі ақсақалдар мен ел жақсылары тиісті жазасын тартқызып, тезге салып отырған, - деп тарқатты.