Жамбыл облысы Байзақ ауданы Бурыл ауылдық «Шолпан Дәуіт» мешітінің имамы Қанат Тұмарбекұлының ұйымдастыруымен «Тайқазан» жобасы аясында  қайырымдылық шарасы өтті.

Шараға жағдайы төмен отбасылар қатысты. Қанат Тұмарбекұлы: «Алла Тағала қасиетті Құранның «Сәбә» сүресінің 39-аятында «Алланың жолында не жұмсасаңдар да, Алла тағала міндетті түрде оның орнын толтырады», - деді.

Қайырымдылық шарасы барысында 10 мұқтаж отбасыға азық-түлік салынған пакет таратылды. Көмек алушылар осы шараны ұйымдастырған ауыл имамына өз ризашылықтарын білдірді.