Жамбыл облысы Байзақ аудандық «Байзақ баба» мешітінің қызметкелерінің ұйымдастыруымен мешіт жамағатына «Рамазан рухани кемелдену айы» тақырыбында сұрақ-жауап ойыны өткізілді. Шараға аудандық «Байзақ баба» мешітінің найб имамы Бақытбек Бауыржанұлы және мешіт жамағаты қатысты.

Бақытбек Бауыржанұлы: «Осыған дейін сіздерге біз бесін намазында Рамазан айына қатысты сұрақтар бойынша дәріс жүргізген болатынбыз. Енді сол дәрістің нәтижесін көру үшін, біз жақтан сұрақтар қойылып, сіздер жауап берулеріңіз керек. Әр бір мұсылман Рамазан айында рухани кемелдену мақсатында білім алып, оны пайдаға асырып, сауабын Алла Тағаладан үміт етуі тиіс», - деді.

Сұрақтарға дұрыс жауап берген жамағатқа Мүфтият баспасынан жарық көрген кітаптар сыйға берілді.