Жамбыл облысы Байзақ ауданының әкімі Бақыт Алпысбайұлы аудан тұрғындарына ауызашар берді. Ауызашар дастарханына 18 ауыл округінің әкімдері, ақсақалдары және ауданға қарасты ауыл имам-молдалары қатысты.

Ең алдымен ауызашар дастарханы Құран аяттарын оқумен басталды. Құран аяттарын аудан бас имамы Қанат Әділханұлы оқып, марқұмдарға бағыштап, жиналған халықты Наурыз мерекесімен тұспа тұс келген Рамазан айының келуімен құттықтап, «Рамазанның құңдылықтары» тақырыбында насихатын айтты.

Аудандық ардагерлер кеңесінің төрағасы Серік Ермеков те сөз алып, бүгінгі ауызашардың маңызына тоқталып өтті.

Базарбай ауылы «Базарбай» мешітінің имамы Ербол Қасқырұлы: «Бұл Рамазан айы баршамызды бірлікке шақырып, татулыққа үндейді. Биылғы жылды ҚМДБ төрағасы Бас мүфти Наурызбай қажы Тағанұлы хазрет бағдарлық баяндамасында 2024 жылды «Ислам және дәстүр құңдылықтары жылы», - деп жариялады. Қазақ халқы дәстүрін кейінгі ұрпаққа аманат ретінде қалдырған», - деп қазақтың біршама дәстүріне тоқталды. Жиын соңында ақсақалдар бата беріп, дұға жасады.