Шу қаласы "Кәрібай молда" мешітінде "Қош келдің, Әз-Наурыз" атты рухани кеш өтті. Мешіт ұстазы Ғалия Байтөрееваның ұйытқы болуымен жасалған шараға ақ жаулықты әжелер жиналып, қазақ дәстүрлерін насихаттады. 

Ұстаз ұмыт болып бара жатқан дәстүрлер бойынша сұрақ-жауап ұйымдастырып, "Сыр сандық" ойынын ойнатты. "Тұсау кесер" салтының жоралғысы жасалып, бүлдіршіннің тұсауы кесіліп, үлкендер бата берді. Наурыз көже пісіріліп, қымыз-қымыранымен дастарханға қойылды. "Әжелер алқасының" мүшесі Жаңакүл әже немересіне жіп иіру мен көрпе құрауды үйретті. Аталған көрісті көпшілік тамашалар өздеріне ой түйіп қайтты. 

Шу аудандық "Жәми" мешітінің баспасөз қызметі