Жамбыл ауданы, аудандық «Бәйдібек» мешітінің найб имамы Әлім Ибрагимов жамағатқа «Отбасын құру – некеден басталады» тақырыбында уағыз айтты. Некесіз қосылуға, бір жерде қалудың өзін шариғатымыз тыйғандығын атап өтті. Алла тағала қасиетті құранда: «Зинаға жақындамаңдар...» - деп жақындаған адам ауыр күнә болған зина жасап қоюы әбден мүмкін. Алла бізді алдын ала тоқтатуда. Қазақтың даласында сол үшін қызбаласына қырық үйден тыйылу аталып кеткен.

Неке қию керек екендігін білмейтін, кәлиманы айта алмайтын жастар да арамызда аз емес. Жастарға рухани азық беру, діни сауаттандыруға баса назар аудару керектігін айтып өтті. Шара соңында сұрақтарға жауап берілді. Жиынға 60 адам қатысты.