Тұрар Рысқұлов ауданы Құлан ауылы «Сұлтан» орталық мешітінің наиб имамы Сұлтаншәріп қажы Жақыпбекұлы мешітке келуші жамағатқа «Ораза – ихсан көрінісі» тақырыбында уағыз айтты.

Сұлтаншәріп имам уағызында: «Имам Нәуәуи (Алла оны рақымына алсын): «Алла Тағала сенің әрбір жағдайыңды көріп тұрады. Сондықтан барлық ісіңде жақсылық жаса. Әрбір ісің толыққанды болуы керек», – дейді. Әбу Ханифаның «Муснад» кітабында: «Ихсан – әрбір ісіңді Алла разылығы үшін жасауың» делінген. Бұл ретте адамның ниетіне баса назар аударылады. Ардақты Пайғамбарымыз (оған Алланың салауаты мен сәлемі болсын): «Ақиқатында Алла Тағала әрбір істі жетік жасауды (ихсанды) парыз етті...», – деп, әрбір амалды ықыласпен, толыққанды жасауға шақырды.

Қуаныш Тузелбеков 

Рысқұлов аудандық мешіттің баспасөз қызметі