Тұрар Рысқұлов аудандық «Сұлтан» орталық мешітінің имамы Қуаныш Түзелбеков жамағатқа оразаның әдептері мен тәртіптерін айтып, мәлімет берді. Уағызды орталық мешіттің 60-қа жуық жамағаты тыңдап, оразада пайдаға асыруға бел буды.

Оразадан көзделген көп мақсаттың бірі ден саулыққа қоса жан саулықты да қалыптастыру. Адам баласының жаны сау болуы үшін рухани азғындықтардан қашықтау қажет. Ай бойы ораза ұстай отырып, рухани дүниесі күйреген адамның оразасы толық саналмай, ден саулығын күткен адам боп қана қала береді. Яғни, сауабы ойдағыдай толыққанды болмайды. Пайғамбарымыз (с.ғ.с.): «Қанша ораза ұстаушылар бар, оларға ұстаған оразаларынан тек аш қалғандары мен шөлдеп жүргендері ғана қалады», -дейді.

Қуаныш Тузелбеков 

Рысқұлов аудандық мешіттің баспасөз қызметі