"Дін мен дәстүр бағыты" бойынша Талас ауданы Үшарал ауылы "Абдулла" мешітінің имамы Қыдырбек Көпбосынұлының бастамасымен ауыл жастары арасында кіші футболдан жарыс ұйымдастырылды.

Аталмыш шарада ауыл жастары 4 футбол командасына бөлініп, жүлделі орындарға таласты. Арлан тобы жүлделі 3-орын алса, Ертарғын тобы 2-орын, Қобыланды тобы жүлделі 1-орынды иемденді.

Имам Қыдырбек Көпбосынұлы ауыл жастарына насихатын айтып, мұсылман адам әрдайым рухани әрі физикалық тұрғыдан да мықты болу керек екендігін тілге тиек етті.

"Абдулла" мешітінің баспасөз қызметі.