Жамбыл облысы Байзақ ауданы «Байзақ баба» мешітінде Рамазан айының қарсаңында мешіт жамағатына пәтуа сағаты өтті.

Шараның басты мақсаты – Рамазан айының кіруімен қоғамда оразаға қатысты туындайтын көпшіліктің сауалдарына жауап беріп, көкейде жүрген түйіткілді мәселелердің шешімін табуға жәрдем ету. Осы орайда, Жамбыл облысы бойынша пәтуаға жауапты Нұрсұлтан Зулпыкаров құптан  намазынан алдын, жамағаттың 40-тан астам сауалына нақты дәлелдермен, тұщымды жауап берді.

Рамазан айына дайындықтың ең үлкені – білім ізденіп, жасап жатқан құлшылықтарымызға қатысты, оны бұзып-бұзбайтын әрекеттер мен дұрыс атқарылу жолдарын сауатты орындауға қатысты мәселелерді білу. Сондықтан, әрдайым діни сауал туындаған жағдайда арнайы мешіт имамдары мен ұстаздарынан жауап табуға шақырамыз!