Жамбыл облысы Байзақ аудандық «Байзақ баба» орталық мешітінде ауыл  имамдарының Рамазан айына дайындық жиыны өтті.

  Ауданға қарасты ауыл мешіттері имамдарының қатысуымен өткен жиналыста Байзақ ауданының наиб имамдары Бақытбек Бауыржанұлы және Азамат Боранбайұлы ҚМДБ тарапынан бекітілген тапсырмаларды баяндап,  отыз күнде атқарылуы тиіс шаралар легі жазылған «Рамазан жоспарын» таныстырды.

Нақтырақ айтар болсақ, қасиетті айда мешіттер мен ауызашар өткізілетін орындардың барлық қажеттіліктермен қамтамасыз етіліп, сақадай сай болуын, қоғамды ізгілікке бастайтын игі істер мен түрлі форматтағы қайырымдылық акциялары көптеп ұйымдастырылып, уағыз-насихат, ақпараттандыру жұмыстары мен дәріс-сабақтардың үздіксіз жүргізілуін  тапсырды.