Меркі ауданы, Т.Рысқұлов ауылының  "Жарас ата" мешітінің имамы кәсіпкерлерді қасиетті Рамазан айында арақ-шарап ішімдіктерін сатпауға шақырды.

"Жарас ата" мешітінің  имамы Мадияр Қанатұлы ауылдағы  әр дүкенді зиярат етіп, дүкен иелеріне: "Арақ-шарап ішуден де, сатудан да, біздің асыл дініміз қайтарған. Сол себепті Рамазанда  арақ сатпаңыздар қасиетті айға құрмет ретінде"  - деп насихат жұмысын  жүргізді. 

Жүргізілген іс-шараның себебінен ауыл дүкендері Рамазан айында арақ-шарап сатпауға уәде берді. Тіпті бір дүкен иесі Оразадан кейін де, мүлдем дүкен сөресінде ішімдік сатпайтынын айтты.

Алланың елшісі (оған Алланың игілігі мен сәлемі болсын) былай дейді: «Арақ он түрлі қырынан қарғысқа ұшырады: арақтың өзі, оны ішуші мен құйып беруші, сатушы мен сатып алушы, дайындаушы мен дайындатушы, әкелуші мен әкелдіруші және арақтан түскен пайданы жеуші Алла тарапынан қарғысқа ұшырады» ( Абу Дауд, Ахмад, Ибн хиббан).

Арам астан бас тартып, адал сауда-саттық жасауға ниет еткен барша кәсіпкерлерге  Алла Тағала разы болып, кәсіптеріне береке берсін.

Меркі аудандық "Меркі ата" мешітінің баспасөз қызметі.