Ауданымыздың бас имамы Азамат Берікұлы Сыпатай ауылының жамағатына «Ислам және дәстүр құндылығы» тақырыбында уағыз-насихат жүргізді.

Бас имам: « Қасиетті ислам діні мен халқымыздың ұстанған дәстүрі бір-біріне біте қайнасқан.  Ежелден ата – бабамыз дініне берік, дәстүріне құрметпен қараған. Кез – келген халықты ұлт ретінде сақтап қалатын нәрсе – дәстүрі,  мәдениеті мен тілі және осылардың негізі болып табылатын – діні. Ұрпақтан ұрпаққа аманат болып келген осы дініміз бен дәстүрімізді сақтап ұстану өзімізден кейінгі бала – шағамызға, ұрпағымызға үйрету мойнымыздағы міндет», - деп  келген жамағатқа насихатын айтты.

Сан ғасырлар бойы халқымыздың ұстанып келе жатқан дүниетанымының, адамгершілік құндылықтарының, әдеп-ғұрыпы мен салт-дәстүрінің төл дініміздің мақсаттарымен сай келетіндігі, бір арнада тоғысатындығы көрсетілген.

Меркі аудандық «Меркі ата» мешітінің баспасөз қызметі