Меркі аудандық «Меркі ата» мешітінің бас имамы Азамат Берікұлының басшылығымен мешітке келуші жамағат арасында Республика күніне орай ұлттық спорт түрінен жарыс өтті.

Сайыс қол күресі, гір тасын көтеру және отырып-тұрудан өтті. Қол күресі мен гір тасын көтеру жастар арасында өтсе, ақсақалдар арасында отырып-тұрудан жарыс өтті. Үздік шыққан қатысушыларға қаржылай сыйлықтар табысталды.

Іс-шара соңында ақсақалдарымыз Елімізге, Жерімізге дұға жасап, мешітке келуші жамағат ризашылықтарын білдіріп, Республика күнімен құттықтап, мерекелік көңіл-күймен тарқасты. Алла Тағала осындай бейбіт күнімізден айырмасын!

Меркі аудандық «Меркі ата» мешітінің баспасөз қызметі